🛑साने नगर येथील भूमिपूजन झालेल्या पुलाचे कामाला मुहूर्त कधी मिळणार.? 🔴 काम सुरू केव्हा होणार ? नागरिकांची प्रतीक्षा संपणार कधी ... शेतकऱ्यांची अवहेलना थांबेल कधी? नागरिकांच्या संतप्त प्रतिक्रिया..

अमळनेर (प्रतिनिधी) शहराच्या ईशान्य कोपऱ्याला प्रभाग क्रमांक दोन साने नगर येथून बोरी नदीच्या पलीकडे जाणाऱ्या शेतकऱ्यांच्या शेती कामासाठी नदीतून जावे लागते .जीवाची कसरत करून पैल तिरी जाऊन शेतीची कामे करावी लागतात, नदीला पूर असल्यामुळे गुराढोरांचे व नागरिकांचे  जीवावर बेतुन अनेक वेळा पुरात गाडी बैल वाहून जाण्याच्या घटना घडलेल्या आहेत, नागरिकांच्या सतर्कतेमुळे  दुर्दैवी घटना वाचल्या आहेत. प्रशासन अगदी  बघ्याची भूमिका घेत असून मंजूर झालेला नदीवरचा पूल कोणत्या मुहूर्तासाठी रखडला आहे याची शेतकरी वाट पाहत आहेत. 

सरकार एखादा मोठा अपघात घडण्याची वाट पाहत आहे का? असा प्रश्न निर्माण होत आहे. साने नगरच्या शेकडो शेतकऱ्यांच्या जमीनी पैल तिरी असून नदीच्या पुरामुळे शेतीची कामे खोडमतात व फिरून शेतात जावे लागते. अनेकदा जीवावर उदार होऊहन शेतकरी मजूर घेऊन बैलगाडीने उतरवतात पाण्याचा अंदाज न आल्यामुळे अनेक वेळा गाडी बैल वाहून जाण्याच्या घटना घडतात 

नदीमध्ये  खड्डे झालेले असल्यामुळे पाण्याचा अंदाज येत नाही . माजी मंत्री भूमिपुत्र आमदार यांनी शेतकऱ्यांचा हा जिव्हाळ्याचा प्रश्न समजून बोरी नदीवर पूल मंजूर केलेला आहे त्याचे भूमिपूजन सुद्धा झाले परंतु काय अडथळा आला ज्यामुळे पुलाचे काम थांबले आहे

 आमदारांनी बोरी नदीच्या पुलासाठी तातडीने पावले उचलून या वर्षी अखेरपर्यंत पुलाचे काम करण्यासाठी ठेकेदाराला आदेश करावेत किंवा काय प्रशासकीय अडचणी असतील त्या सोडवाव्यात व नदीच्या पुलाचे काम जलद गतीने सुरू करून मार्गी लावावे अशी साने नगर ,न्यू प्लॉट, तांबेपुरा परिसरातील नागरिकांची, शेतकऱ्यांची मागणी पुढे येत आहे.