अमळनेर पोलिसांना चहाची तलफ महागात पडली आहे.

अमळनेर प्रतिनिधी : चहाची तलफ अमळनेर पोलिसांना महागात पडली आहे त्याचे झाले असे की , अमळनेर पोलिसांनी शहादा तालुक्यातील सात पिंपरी गावातील अंबालाल मोठ्या खर्डे आणि हिंमत उर्फ रेजा पावरा या दोघं संशयितांना मोटर सायकल चोरीच्या गुन्ह्यात अटक केली होती आणि त्यांच्या चौकशीतून पोलिसांनी तब्बल २४ मोटरसायकल हस्तगत केल्या होत्या ..

पोलीस कोठडी संपल्यानंतर दोघांना न्यायालयीन कोठडी सुनावण्यात आली होती. मात्र, जळगाव कारागृहात जागा नसल्याने त्यांना नंदुरबार कारागृहात हलवण्याचा निर्णय घेण्यात आला .अंमळनेर पोलीस ठाण्याचे दोन कर्मचारी या आरोपींना घेऊन नंदुरबारकडे जात असताना, दावडे गावातील हॉटेल जवळ चहा पाण्यासाठी थांबले होते , पोलीस शासकीय वाहनातून उतरून चहा पाण्याचा आस्वाद घेत असताना, 

आरोपींनी याच क्षणी पोलिसांना चकवा देत (थकवा देत) पळ काढला आणि रस्त्यालगतच्या झुडपांमध्ये गायब झाले हि धक्कादायक घटना शनिवारी दुपारी २ ते २:३० वाजताच्या सुमारास घडली आहे.घटनेची माहिती कळताच दोंडाईचा, अंमळनेर, धुळे आणि नंदुरबार स्थानिक गुन्हे शाखेच्या पथकांनी नाकाबंदी केली आणि परिसरात शोध मोहीम राबवली. मात्र, उशिरापर्यंत दोघांचाही थांगपत्ता लागलेला नव्हता.