जळगाव जिल्हा माध्यमिक शिक्षक पतपेढीत सुरू असलेल्या गैरप्रकारांवर संतप्त सभासदांचा आवाज — आंदोलनाचा इशारा

जळगाव (प्रतिनिधी) – जळगाव जिल्हा माध्यमिक शिक्षक सहकारी पतसंस्थेतील विविध नियमबाह्य व वादग्रस्त निर्णयांविरोधात सभासदांचा संताप वाढला असून, या पार्श्वभूमीवर प्र. ह.दलाल,पी. एस.सोनवणे, सिद्धोधन सोनवणे यांच्या नेतृत्वाखाली पतसंस्थेचे अधीक्षक श्री. सुनील महाजन यांना विविध मागण्यांचे निवेदन देण्यात आले. सदर मागण्या विचारात न घेतल्यास जिल्हाभरातील सभासदांकडून तीव्र जनआंदोलन करण्यात येईल, असा इशारा या वेळी श्री तुळशीराम सोनवणे यांनी दिला आहे.

छत्रपती शिवाजी महाराज सभागृह नाव देण्याची मागणी

पतपेढीच्या नवीन इमारतीमधील हॉलला "छत्रपती शिवाजी महाराज सभागृह" हे नाव देण्यात यावे, अशी जोरदार मागणी करण्यात आली. या मागणीचे निवेदन अधीक्षकांना सादर करण्यात आले.

वादग्रस्त ठराव रद्द करण्याची मागणी

दिनांक 27/09/2025 रोजी झालेल्या मासिक सभेत आयत्यावेळी मंजूर करण्यात आलेल्या एका ठरावाविरोधातही आवाज उठवण्यात आला. सदर ठरावाअंतर्गत माजी अध्यक्ष  यांचा मोठा छायाचित्र (फोटो) दर्शनी भागात लावण्यात आलेला आहे. मात्र, त्यांच्या कार्यकाळात अपहारासंदर्भातील तक्रारी सध्या सहकार न्यायालयात प्रलंबित आहेत. या पार्श्वभूमीवर असा फोटो लावणे म्हणजे भविष्यात पतपेढी कोणते आदर्श उभे करणार आहे. याबद्दल संभ्रम निर्माण करणारे असल्याचे निवेदनात नमूद करण्यात आले.

महापुरुषांचे फोटो दर्शनी भागात लावावेत

सद्यस्थितीत महापुरुषांचे फोटो कार्यालयीन अधीक्षकांच्या बंदिस्त खोलीत ठेवलेले असून, ते सन्मानाने दर्शनी भागात लावण्याची मागणी मुख्य तक्रारदार श्री. विनोद महेश्री यांनी केली आहे.

सेवानिवृत्त माजी अध्यक्षांची पतपेढीच्या कोणत्याही पदावर नियुक्ती करण्यात येऊ नये

पतपेढीच्या विविध पदांवर माजी अध्यक्ष,संचालक  यांची सेवानिवृत्तीनंतर कोणतीही नेमणूक करण्यात येऊ नये, अशी मागणीही निवेदनात करण्यात आली. त्यांच्याविरोधात प्रलंबित न्यायालयीन प्रकरणं लक्षात घेता, त्यांच्या पुन्हा कार्यलक्षी संचालक वा इतर पदांवरील नेमणुकीने व हस्तक्षेपामुळे सभासदांमध्ये संभ्रमाचे वातावरण निर्माण होईल.

सीसीटीव्ही ॲक्सेस माजी अध्यक्षांकडून काढून घ्यावा

कार्यालयीन अधीक्षक श्री सुनील महाजन यांनी दिलेल्या माहितीनुसार पतपेढीतील सीसीटीव्ही कॅमेऱ्यांचा ॲक्सेस आजही माजी अध्यक्षांकडे असल्याची बाब समोर आली असून, हे अधिकार तत्काळ विद्यमान अध्यक्ष सौ. सोनम शिवाजी पाटील यांच्याकडे देण्यात यावेत, अशी मागणी श्री. सुरेश सिताराम अहिरे यांनी सभासदांच्या सह्या घेऊन स्वतंत्र निवेदनाद्वारे केली.

कार्यालयात कार्यालयीन वेळेनंतर होणारी खासगी कार्यक्रमांची चौकशी करावी व ते तात्काळ बंद करावे

कार्यालयीन वेळेनंतर पतपेढीच्या कार्यालयात काही विशिष्ट सभासदांकडून वाढदिवसासारखे खासगी कार्यक्रम साजरे करण्यात येत असल्याचे निदर्शनास आले आहे. यामुळे गोपनीयता भंग होण्याची भीती निर्माण झाली असून, भविष्यात घडणाऱ्या कुठल्याही अनुचित प्रकारास विद्यमान संचालक मंडळ व अधीक्षक जबाबदार राहतील, असा स्पष्ट इशारा डॉ. मिलिंद बागुल यांनी दिला.

---

सभासदांच्या उपस्थितीने निवेदन सादर कार्यक्रमात उत्स्फूर्तता

या निवेदन सादरीकरणाच्या वेळी माजी उपाध्यक्ष पी.एस. सोनवणे, माजी संचालक प्रा. ह. दलाल, समन्वय समितीचे मार्गदर्शक डॉ. मिलिंद बागुल, कार्याध्यक्ष पी.ए. पाटील, अनिल चव्हाण, अनिल अहिरे, संतोष कचरे, सुरेश अहिरे, डॉ संजू भटकर, शरद पाटील, के.वाय. फराटे, पी.बी. गायकवाड, अनिल मनोरे, विनोद महेश्री, पी.बी. नरवाडे, प्रेम झंवर, सुभाष न्हाळदे यांच्यासह मोठ्या संख्येने सभासद उपस्थित होते.

---