🔴🔴 कर्तव्यावर मृत्यू झालेल्या ग्रामपंचायत कर्मचाऱी पुत्राला न्याय मिळेल का?परिवारावर आली उपासमारीची वेळ.

अमळनेर ( प्रतिनिधी) तालुक्यातील व

पिळोदे गावातील प्रकाश आधार शिरसाट हे  ग्रामपंचायत मध्ये पाणीपुरवठा विभागात कर्मचारी म्हणून कार्यरत होते. तीन वर्षांपूर्वी ते कर्तव्यावर असताना मयत झाले. घरातील कर्ता मयत झाल्याने संसाराचा गाळा ठप्प झाला. त्यांच्या जागी अनुकंपा तत्त्वावर त्यांचा मुलगा नोकरीला लावावा यासाठी अनेक अर्ज व विनंती केल्या असून मुलाला आज तागायत नोकरीला लावले नाही त्यामुळे त्यांच्या परिवारावर उपासमारीची वेळ आलेली आहे. त्या कर्मचाऱ्यांच्या जागेवर नवीन कंत्राटी कामगाराला रुजू करण्यात आलेले आहे. वडिलांच्या जागेवर मला का लावत नाही माझा काय गुन्हा मला सुद्धा कंत्राटी कामावर समाविष्ट करून घ्यावे अशा अनेक अर्ज, विनंती केल्यानंतर सुद्धा ग्रामपंचायत कार्यालयातील ग्राम सेवक व सरपंच यांनी हेतू पुरस्कर कर्मचाऱ्यांच्या पाल्याला कामावर लावले नाही. या नैराशामुळे ग्रामपंचायत मयत कर्मचारी पुत्र व त्याचा परिवार ग्रामपंचायत समोर उपोषणाला बसले आहेत. या बाबीचे सरपंच व ग्रामसेवक यांना कसलेही गांभीर्य नसून पंचायतीला कुलूप लावून कसली विचारपूस न करता ते निघून गेले. अशी माहिती आमच्या प्रतिनिधीला उपोषणकर्त्याने दिली उपोषणकर्त्यावर हा अन्याय होत असून त्याने जर का टोकाचे पाऊल उचलले तर त्यांचा परिवार उघड्यावर पडेल अशी प्रतिक्रिया जनमानसात  येत आहे.