स्वच्छता ही सेवा अभियाना अंतर्गत स्वच्छता पंधरवडा सुरू. अमळनेर नगरपालिका हद्दीत 5.5 टन कचरा गोळा

       

   अमळनेर.  [ प्रतिनिधी ].. 

 स्वच्छ भारत अभियान २.० अंतर्गत केंद्रीय गृहनिर्माण तथा शहरी  कार्य मंत्रालय (MoHUA) , भारत सरकार यांनी  स्वच्छता पंधरवडा* अंतर्गत  स्वछता ही सेवा* अभियान अंतर्गत आज दि.१७/०९/२०२५  रोजी  कार्यालय नगर परिषद अमळनेर 

 येथील  आयुडीपी शॉपिंग कॉम्प्लेक्स, पु. साने गुरुजी पुतळा परिसर तसेच शॉपिंग कॉम्प्लेक्स छत, बस स्टेशन परिसर , बालेमिया परिसर मुख्य रस्ता, धुळे रस्ता, पिंपळे रस्ता, ढेकू रस्ता ईत्यादी भागात संपूर्ण स्वच्छता /साफसफाई करून एकूण ५.५ टन कचरा  काढण्यात आला.  सदर अभियान अमळनेर नगर परिषदेचे प्रशासक व मुख्याधिकारी तुषार नेरकर यांच्या मार्गदर्शनाखाली राबविण्यात आले. तसेच अभियान अंमलबजावणी प्रसंगी अमळनेर नगर परिषदेचे प्रशासक व मुख्याधिकारी तुषार नेरकर, स्वच्छता निरीक्षक किरण कंडारे, स्वच्छता निरीक्षक संतोष माणिक, १ ते १७ प्रभागातील मुकादम, शहर समन्वयक गणेश गढरी,  प्रभागातील सफाई कर्मचारी व नागरिक उपस्थित होते. 

स्वच्छता हि सेवा अभियान दिनांक १७ सप्टेबर २०२५ ते २ ऑक्टोबर २०२५ दरम्यान राबविले जाणार असून अमळनेर शहरातील सर्व नागरिक, आस्थापना, शासकीय -निमशासकीय कार्यालय, शाळा, खाजगी/सामाजिक संस्था, सामाजिक कार्यकर्ते, मा. नगरसेवक, पत्रकार संघ,  ई. सर्वांनी सदर अभियानाची प्रभावीपणे अमलबजावणी करणे कामी अभियानात स्वयस्फुर्तीने सहभागी होवून  अमळनेर शहर स्वच्ह, सुंदर व हरित करण्यात आपला अमूल्य सहभाग नोंदविण्याचे आवाहन केले आहे.