राष्ट्रीय महामार्ग क्र.6 वर बसला भीषण अपघात, बस पुलाखाली पलटल्याने 2 ठार आणि 12 जखमी

एरंडोल -प्रतिनिधी

दि.१६/०९/२३

एरंडोल -तालुक्यातील पिंपळकोठा येथे राष्ट्रीय महामार्गवरून राजस्थान येथून औरंगाबाद कडे जाणारी खाजगी प्रवासी बस पुलाखाली उलटल्याने झालेल्या अपघातात बारा प्रवासी जखमी झाले असून यातील दोघांचा मृत्यू झाला आहे.

या संदर्भातील वृत्त असे की, एरंडोल पासून ७ कि.मी. अंतरावर असलेल्या पिंपळकोठा गावाजवळ ३० प्रवासी असलेल्या स्लीपर लक्झरीचा अपघात झाल्याने २ प्रवाशांचा मृत्यू झाला असून, इतर प्रवासी जखमी झाल्याची घटना सकाळी ९.३० वाजेच्या सुमारास घडली.चौधरी कंपनीच्या लक्झरी बसवरील चालकाचा ताबा सुटल्याने बस ही नाल्याच्या खाली जाऊन कोसळल्याची घटना शनिवारी १६ सप्टेंबर रोजी घडली आहे. प्रत्यक्षदर्शीनुसार दुभाजकावर आदळल्यामुळे हा अपघात झाला. पिंपळकोठा व पिंप्री ग्रामस्थांच्या मदतीने जखमींना तातडीने ग्रामीण रुग्णालय एरंडोल व जिल्हा शासकीय वैद्यकीय महाविद्यालयात रवाना करण्यात आले.

यात बसमधील बारा प्रवासी जखमी झाली असून यातील दोघे जण ठार झाले आहेत.

घटनेची माहिती मिळाल्यानंतर एरंडोल पोलीस ठाण्याचे पोलीस कर्मचारी यांनी घटनास्थळी धाव घेऊन जखमी झालेल्या प्रवाशांना तातडीने एरंडोल ग्रामीण रुग्णालय आणि जळगाव जिल्हा शासकीय वैद्यकीय महाविद्यालयात हलविण्यास मदत केली.

या अपघातात दिपेंद्र कुमार, दिनेश कुमार, रतनलाल कुमावत, जयराम कुंभार, महादेव कुंभार, राजेंद्र प्रजापती, सिताराम कुमार, मुकेश गुजर, लक्ष्मी जांगेड आणि दोन अनोळखी असे १२ जण जखमी झाले आहे. शेवटचे वृत्त हाती आले तेव्हा एरंडोल पोलीस स्टेशनला घटनेची नोंद करण्याचे काम सुरू होते.