भडगाव नगरपरिषद निवडणूक २०२५ : तिसऱ्या दिवशीही अर्जांचा आकडा शून्यावर .!!! तिसऱ्या दिवशीही उमेदवारीसाठी कोणताही अर्ज नाही..

भडगाव,  प्रतिनिधी :- सुभाष ठाकरे..

भडगाव नगरपरिषद सार्वत्रिक निवडणूक २०२५ साठी.तिसऱ्या दिवशीही एकही उमेदवाराने नामनिर्देशन अर्ज दाखल केला नाही. निवडणुकीची अधिसूचना जाहीर होऊन तीन दिवस उलटून गेले असतानाही नगराध्यक्षा तसेच नगरसेवक पदांसाठी अर्जदारांचा प्रतिसाद शून्य राहिल्याने राजकीय वर्तुळात उत्सुकता आणि चर्चांना उधाण आले आहे.

भडगाव नगरपरिषदेत एकूण २४ प्रभागांसाठी आणि लोकनियुक्त नगराध्यक्षा पदासाठी निवडणूक जाहीर झाली आहे. मात्र आजपर्यंत निवडणूक विभागाकडे एकही अर्ज दाखल झालेला नाही.

निवडणूक विभागाकडून मिळालेल्या आकडेवारीनुसार —

नगराध्यक्षा पदासाठी प्राप्त अर्ज: शून्य (०)

नगरसेवक पदांसाठी प्राप्त अर्ज: शून्य (०)

 अर्ज दाखल करण्याची मुदत १७ नोव्हेंबर २०२५ पर्यंत खुली राहणार आहे. त्यामुळे पुढील काही दिवसांत विविध राजकीय पक्षांचे तसेच अपक्ष उमेदवारांचे अर्ज दाखल होण्याची शक्यता आहे. तथापि, प्रारंभीचे तीन दिवस शांततेत गेल्याने मतदारांमध्ये आणि राजकीय निरीक्षकांमध्ये उत्सुकता निर्माण झाली आहे.

स्थानिक राजकीय वातावरण सध्या स्थिर आणि शांत आहे. प्रमुख पक्षांमध्ये उमेदवार निश्चितीबाबत अजूनही सखोल चर्चा सुरू असल्याचे कळते. काही पक्षांत गटबाजी टाळण्यासाठी आणि स्थानिक समीकरणे नीट जुळवण्यासाठी बैठका सुरू आहेत.

दरम्यान, निवडणूक प्रक्रिया पारदर्शक व सुरळीत पार पाडण्यासाठी प्रशासनाने सर्व तयारी पूर्ण केल्याचे निवडणूक विभागाने स्पष्ट केले आहे. नामनिर्देशनपत्र स्वीकृतीसाठी कर्मचारी, सुरक्षा व्यवस्था आणि तपासणी यंत्रणा सज्ज ठेवण्यात आली आहे.

आता सर्वांचे लक्ष पुढील काही दिवसांकडे लागले आहे — कारण कोणत्या पक्षाचे आणि नेत्यांचे चेहरे अखेर मैदानात उतरणार, याकडे भडगावकरांचे लक्ष केंद्रित झाले आहे.